Real Texts
Where a word actually gets used.
Every document below is a real text — folklore, news, radio, records. Open one to read it, or search across all of them for a word.
Ал-Кариму
Wikipedia ·
7 lines
· added 21 Jul
-
1
Ай, рецӀел босизе кӀолевги вукӀун, тӀаса лъугьун толев, жинца къотӀи гьабураб мехалъ гьеб тӀубазе гьабулев, жинца кьолеб жо цӀикӀкӀине гьабулев, лъие ва кигӀан кьураб абун гьелъул ургъелги жиндие гьечӀев, хӀажатаб жо жиндеги борхичӀого цогияздаса тӀалаб гьабуни , гьелдаги жив разилъуларев.
-
2
Жиндехун хъачӀлъи хӀалтӀизе гьабуни, гӀайиб чӀван гурого, гьелда тӀаде цӀикӀкӀине гьабуларев.
-
3
Гьаб кинабго жо жиндилъ данделъарав чи ккола мутӀлакъав «Ал-Карим».
-
4
Гьеб кинабго буго ТӀадегӀанав Аллагьасулъ.
-
5
Лагъасеги рес буго жиндаго тӀад хӀалтӀун гьал пишабаздалъун живго берцинлъизавизе, амма цо-цо умуразулъ ва хӀалицаго гӀадин.
-
6
Гьединлъидал гьесиеги каримилан сипат гьабизе бегьула, амма гьев вукӀуна мутӀлакъав «Ал-Каримасде» дандеккун мукъсанавлъун.
-
7
Гьедин лагъасе сипат гьабизе кин бегьулареб ссалат-салам лъеяв Аварагас абунги букӀаго: «Нужеца цӀолбол гъветӀалда «Ал-Карамилан» абуге, «Ал-Карам» бусурманчи ккола», - ян.