Where a word actually gets used.

Гьезул цонигиялда ракӀ чӀезабичӀони, гьев чи бусурманчи вукӀунаро, ахираталдаги гьесие абадияб гӀазабгӀакъубаги букӀуна.

Малаикзабазда ракӀ чӀезабила гӀаммаб куцалдаги, цӀарцӀар ккунги, Къуръан-хӀадисалъ абухъе, гьел рукӀин хӀакъаб бугилан абун.

Дур ракӀ чӀезе ккола Аллагьасул рахъалдасан Жабраил малаикас русулазухъе тӀахьал, тӀанчал, хъарщал рещтӀанилан.

Гьезул бищун аслиял тӀахьал ункъго руго: Таврат - Мусахъе, Забур - Давудихъе, Инжил - ГӀисахъе, Къуръан - МухӀаммадихъе рештӀарал ругилан абун.

Аллагьасул тӀухьдуз халкъалда малъула хӀакъаб дин, инсан дунялалда хьвадизе кколеб битӀараб нух.

Дуца ракӀ чӀезабизе ккола Аллагьас гӀадамазда гьоркьоса тӀасаги рищун, жидехъе вахӀюги рещтӀун, халкъ Аллагьасул диналде ахӀизе ритӀарал Аллагьасул бищунго хириял лагъзал гьел ругилан абун.

Гьезул тӀоцевесев Адам ккола, ахирисев МухӀаммад ккола.

Цересел русулал хассал бакӀазде, хассал гӀадамазде, хассаб заманалда ритӀарал рукӀана, МухӀаммад Авараг тӀолабго халкъалъухъе, киналго бакӀазде къиямасеб къо чӀезегӀан витӀарав ахирисев Аварагги расулги ккола.

ЦӀарцӀар ккун ракӀ чӀезабизе кколел аварагзаби руго гьал Къуръаналда цӀарал рехсарал аварагзаби: Адам, Идрис, НухӀ, Гьуд, СалихӀ, Ибрагьим, ЛутӀ, ИсмагӀил, ИсхӀакъ, ЯгӀкъуб, Юсуф, ШугӀайб, Аюб, Зулькифли, Муса, Гьарун, Сулайман, Давуд, Ильяс, АльясагӀ, Юнус, Закаря, ЯхӀя, ГӀиса, МухӀаммад, киназдаго Аллагьасул салат салам лъеги.

Аллагьас халкъалдаса тӀасаги рищарал, жидехъе вахӀюги рещтӀарал, халкъалъухъе гьеб щвезабизе тӀадги къарал Гьесул хассал лагъзадерида илчизабиян абула.

Гьединго тӀаса рищарал ва вахӀюги рещтӀарал, гьеб халкъалъухъе щвезабизе тӀад къачӀел Гьесул лагъзал аварагзаби ккола.

Илчизаби гьединго аварагзабилъунги ккола.

Гьезул мухӀканаб рикӀкӀен Аллагьасда лъала.

Дуца ракӀ чӀезабизе ккола гьаб гӀаламалда кколеб щинаб жо, лъикӀаб букӀа квешаб букӀа, кинабго жо Аллагьасул бокьиирадаталда рекъон, азалалдаго Жинда лъараб, Жинца къадар гьабураб куцалда кколеб бугилан абун.

Амма инсанасухъ ихтияр буго, я лъикӀаб, я квешаб тӀаса бищизе.

Аллагьас лъикӀабквешаб тӀаса бищизе инсанасе гӀакълуги кьуна, гьесде лъикӀаб гьабизе, квешаб тезе, нух малъизе аварагзабиги ритӀана, тӀухьдулги рещтӀана, лъикӀаб гьабурасе ахираталда букӀунеб киридаражаялъулги бицана, квешаб гьабуни гьесие букӀунеб гӀазабгӀакъубаялъулги бицана.

Иман гьечӀев капурчиясдаса талихӀ къараб жо дунялалъул рухӀчӀаголъабазда жаниб щибниги гьечӀо.

Гьал гурелги Аллагьасул 99 берцинал цӀаралги руго, Гьесда гурого хӀакъикъат лъаларел рикӀкӀун хӀал кӀоларел гӀемерал камилал сифаталги руго Гьесул, тӀадегӀанал цӀаралги руго.

Аллагьасул малаикзабада ракӀ чӀезаби Аллагьасул малаикзабазда кин ракӀ чӀезабилеб.

Къуръан ккола Аллагьасул ахирисеб тӀехь, цересел тӀахьазул кинабго магӀнаги жаниб лъураб, къиямасеб къо чӀезегӀан лъидаго хисизабизеги кӀолареб Аллагьасул бищунго кӀудияб мугӀжизат.

Аллагьасул илчизабазда ракӀ чӀезаби Аллагьасул русулазда кин ракӀ чӀезабилеб.

Цоцояз 124 азарго авараг вукӀанинги абула, ва гьезул 313 илчизаби рукӀанинги абула.

Къиямасеб къоялда ракӀ чӀезаби Къиямасеб къоялда кин ракӀ чӀезабилеб.

Ахираталда хвел абураб жоги букӀунаро, гьеб абадияб, тӀаса ин гьечӀеб рукъ буго.

Аллагьасул къадаралда ракӀ чӀезаби Аллагьасул къадаралда ракӀ кин чӀезабилеб.

Гьединлъидал, лъикӀаб гьабурасдаса Аллагь разилъула, квешаб гьабурасда Аллагьасул ццин бахъуна.

Иманалъул пайдаби Аллагьас инсанасе кьурал нигӀматазул бищунго кӀудияб нигӀматлъун ккола хӀакъаб иман лъей.

Цогидал рухӀчӀаголъабазул унтиги, балагьги, гӀазабги, талихӀ къейги хвараб къоялъго тӀаса уна, иман гьечӀев капурчиясул абуни, хӀакъикъияб унтиги, балагьги, гӀазабги, талихӀкъейги хвараб къоялда байбихьула ва абадиялъ тӀаса инчӀого хутӀула.