Real Texts
Where a word actually gets used.
Every document below is a real text — folklore, news, radio, records. Open one to read it, or search across all of them for a word.
Бадруялъул гъазават
Wikipedia ·
9 lines
· added 21 Jul
-
1
Гьеб букӀана бусурбабазде данде рагъулел капурзабазул боцӀиялда бетӀерлъи гьабизе бугеб ихтияралда рекъон ва бусурбабазухъа бахъун араб яги Маккаялда тезе ккараб боцӀиялъул бакӀалда букӀине гьабураб сапар.
-
2
Хадубккун БетӀергьанас гьеб сверизабуна жеги тӀадегӀанаб амруялде.
-
3
Ай Аллагьасул нухда дагӀват гьабиялде ва дин тӀибитӀизабиялде.
-
4
Гъазават гьабилелде, нилъеда бихьулеб буго, Аварагас асхӀабзабазулгун мушавара гьабураб куц.
-
5
Жидер хӀакъалъулъ вахӀю бачӀинчӀел киналниги ишазулъ ТӀагьаяс асхӀабзабазулгун гӀакълу дандбалаан.
-
6
Гьелъие гӀоло бусурбаби тӀадрекъана киналниги, жидер хӀакъалъулъ Къуръан-хӀадисазулъ хӀукму бачӀинчӀел ишазулъ, мушавара гьабизе ккей шаргӀияб кьучӀ букӀиналда.
-
7
Бадруялде мушрикуналгун рагъизе иналде Абубакр-асхӀабасулгун ГӀумар-асхӀабасул рахъалъан разияб жаваб щваниги, гьелдаги гӀей гьабичӀого, ансаразул пикру гьикъана Аварагас .
-
8
Гьелъул хӀикматги букӀана ТӀагьаясе ансарияз, Мадинаялда жанив гьев вугони, цӀунизе къотӀи гьабун букӀин гӀакъабаталда.
-
9
Расуласе лъазе къваригӀун букӀана гьеб къотӀиги ккунищ гьел чӀолел ялъуни гьезул кидаго исламги Аварагги цӀунизе БетӀергьанасе гьабураб къотӀийищ бугебали.