Real Texts
Where a word actually gets used.
Every document below is a real text — folklore, news, radio, records. Open one to read it, or search across all of them for a word.
Ал-ХӀакиму
Wikipedia ·
24 lines
· added 21 Jul
-
1
ХӀикматилан абураб жо ккола бищун хирияб гӀелмуялдалъун бищун хирияб жо лъай.
-
2
Бищун хирияб ва тӀадегӀанаб гӀелму ккола жиб тӀаса унареб абадияб, жиндий щибго жо балъго хутӀулареб гӀелму.
-
3
Гьеб ккола Аллагьасул гӀелму.
-
4
Бищунго хириявги тӀадегӀанавги ккола Живго Аллагь.
-
5
Гьесул хӀакъикъатги Гьесда жиндаго гурони цонигиясда лъаларо.
-
6
Цо-цо мехалъ, жинда батӀи-батӀиял махщелал лъалев ва гьел мухӀканго гьарулев чиясдаги абула «хӀакимилан».
-
7
Амма камилав «Ал-ХӀаким» ТӀадегӀанав Аллагь гурони гьечӀо.
-
8
Щив чи вугониги жинда кинабго жо лъан, амма ТӀадегӀанав Аллагь лъачӀого, гьесда хӀакимилан абуларо.
-
9
ГӀелмуялъул тӀадегӀанлъиги букӀуна жиб лъараб жоялъул тӀадегӀанлъиялъул къадаралда.
-
10
Аллагьасдаса кӀудияб ва тӀадегӀанаб щибго жоги гьечӀо.
-
11
ТӀадегӀанав Аллагь лъалев чи, гьев ккола «хӀаким», цогидал гӀулумазулъ загӀипав, берцин кӀалъазе лъаларев вугониги.
-
12
Амма лагъасул хӀикматалдаги Аллагьасул «хӀикматалдаги» гьоркьоб бугеб батӀалъи, лагъасда Аллагь лъаялдаги ва Аллагьасда жиндирго зат лъаялдаги гьоркьоб бугеб гӀадаб батӀалъи буго.
-
13
Гьеб кӀиябго лъаялда гьоркьоб кигӀан кӀудияб батӀалъи батаниги, кӀиясулго хӀикматалда гьоркьобги буго гьебго батӀалъи.
-
14
БатӀалъи кӀигӀан кӀудияб батаниги, гьеб ккола бищун хирияб гӀелму, жиндие хӀикмат кьурав чиги ккола гӀемераб лъикӀлъи жиндие кьурав чи.
-
15
Аллагь лъарав чиясул калам цогидазул каламалдаса батӀияб букӀуна - гьесул калам букӀуна гъваридаб, ахираталда пайда бугеб жоялда хурхараб.
-
16
Гьединаб каламалда гӀадамаз абула хӀикмат абун.
-
17
Гьелъие мисал ккола салат-салам лъеяв Аварагасул гьал рагӀаби: «ЦӀодорав чи ккола жинца жиндирго нафс гӀодобегӀанги гьабурав ва хун хадуб букӀунеб жоялъе гӀамалги жинца гьабурав.
-
18
ГӀажизав чи ккола жинца жиндирго нафс бокьа-бокьараб жоялда нахъбилълъинабурав ва Аллагь гурхӀилин, Гьев тӀаса лъугьинин абун анищалги жинца гьарурав» .
-
19
Гьединго гьал рагӀаби: «Дагьаб ва жинца гӀей гьабулеб дунял лъикӀаб буго ГӀемераб жинца Аллагьасдаса машгъул гьабулеб дунялалдаса» .
-
20
Гьединго гьал рагӀаби: «Чиясул исламалъул берцинлъиялдаса ккола, гьес жиндийго пайда щолареб иш жибго тей» .
-
21
Гьединго гьал рагӀаби: «ТалихӀ бугев чи ккола, цогидазул гъалатӀаздалъун жив кантӀарав чи» .
-
22
Гьединго гьал рагӀаби: «Бугеб жоялда гӀей гьабун чӀей, гьеб ккола жиб лъугӀунареб боцӀи» .
-
23
Щайгурелъул гьесда бищун тӀадегӀанаб ва бищун хирияб жо лъан гьечӀо.
-
24
«ХӀикмат» ккола бищун тӀадегӀанаб гӀелму.