Real Texts
Where a word actually gets used.
Every document below is a real text — folklore, news, radio, records. Open one to read it, or search across all of them for a word.
Аль-ГӀазиму
Wikipedia ·
13 lines
· added 21 Jul
-
1
ГӀазим абураб цӀар, байбихьуда гьеб лъуна черх бугеб жоялда.
-
2
Масала, цо черх цоги черхалдаса халалъиялъул, гӀеблъиялъул, гъварилъиялъул рахъалъ цӀикӀкӀараб бугони, нилъеца абула: «Гьаб черх гьалдаса кӀудияб буго» абун.
-
3
КӀудияб черхги букӀуна бераз жанибе бачине кӀолебги, жанибе бачине рес гьечӀебги, зоб-ракьалда релълъун.
-
4
Мисалалъе босани, пил ккола кӀудияб черх бугеб хӀайван, кинниги беразда гьеб жаниб бачине кӀола, ай, гьелде щвечӀеб жоялде данде ккун, кӀудияб ккола.
-
5
Зоб-ракьин абуни, бераз гьеб жанибе бачине рес гьечӀо.
-
6
Гьеб ккола беразда рихьулел жалазда гьоркьор мутӀлакъго «гӀазимлъун» кколеб жо.
-
7
Гьединго гӀакълу жинда нахъгӀунтӀулел жалги батӀи-батӀиял рукӀуна: гӀакълу нахъгӀунтӀулелги, нахъгӀунтӀуларелги.
-
8
ГӀакълу нахъгӀунтӀуларел жалги кӀийиде рикьула: нахъгӀунтӀизе рес бугелги, рес гьечӀелги.
-
9
Гьеб ккола мутӀлакъго кӀудияб жо , гӀакълу нахъгӀунтӀулеб гӀорхъи жинца бахараб.
-
10
Гьевги ккола ТӀадегӀанав Аллагь.
-
11
Лагъзадерида гьоркьоса кӀудияв ккола аварагзабиги гӀалимзабиги, гӀакъилав чиясда жидер сифатаздаса дагьабгӀаги жо лъараб мехалъ, гьездехун бугеб рокьилялъул жиндир ракӀ цӀолев.
-
12
Авараг ккола жиндир умматалда жанив гӀазим , шайих ккола жиндир муридзабазда гьоркьов гӀазим , мугӀаллим ккола жиндир мутагӀиласе гӀазим.
-
13
ТӀадегӀанав Аллагьасул хутӀизегӀан, хутӀарал жалазул кӀодолъи ккола цо-цо жоялде дандеккун бугеб кӀодолъи.