Real Texts

Where a word actually gets used.

Every document below is a real text — folklore, news, radio, records. Open one to read it, or search across all of them for a word.

Browse Texts Search Inside Them

СагӀудиязул ГӀарабия

Wikipedia · 92 lines · added 21 Jul
Author
Unknown
Genre
Unknown
Language
Avar
Tags
None
Grammar tags
95.9%
  1. 1
    Гьединго СагӀудиялъул ракьал чурула ГӀарабазул ралъдал квачӀалъ хьундабгун-бакъбаккудасан ва БагӀараб ралъдаца - бакътӀерхьудасан.
  2. 2
    Жакъа къоялда жаниб, СагӀудиялъул гӀадамазул къадар бахуна 27,136,977 миллион чиясде.
  3. 3
    Бусурбабазул къадар бахуна 99,9 % ялде.
  4. 4
    СагӀудиялъул тахшагьар - Ар-Рияд буго.
  5. 5
    СагӀудиязул ГӀарабиялде гьединго абула «КӀиябго хӀарамалъул ракь» - абун, гьениб Маккагун Мадина букӀиналъ.
  6. 6
    Гьеб пачалихъалъул къокъаб цӀар гӀараб мацӀалда - ас-СагӀудия - абун буго.
  7. 7
    КӀиабилев халипа ГӀумар ибнул-ХатӀтӀабил заманалде (634), киналниги жугьутӀал къватӀире ккезарун рукӀана ХӀижазалдаса.
  8. 8
    Ад-ДиргӀийя шагьаралъул хӀаким МухӀаммад ибн СагӀуд ва исламияв гӀалимчи МухӀаммад ибн ГӀабдул Вагьгьаб цолъана кутакаб ва гъункараб пачалихъ гӀуцӀиялъул мурадалда.
  9. 9
    Гьеб, XVIII гӀасруялъ цолъараб гӀуцӀиялъ авал лъуна дакъа къо щвезегӀанги хӀукмуялда ругел СагӀудиязул тухумалъе.
  10. 10
    Гьеб пачалихъ хутӀана 67 соналъ ва щущахъ биххизабула СагӀудиязул церегосел тушбаби - Рашидиязул тухумалъ.
  11. 11
    КӀиабилеб дунялалъул рагъ байбихьи сабаблъун нарт бахъи байбихьичӀо гӀицӀго 1946 соналъ гурого.
  12. 12
    Нарт лъугьана пачалихъ цебетӀеялъе сабалъун.
  13. 13
    ГӀабдулгӀазизида хадув къираллъун вачӀана гьесул вас СагӀуд.
  14. 14
    Гьес ургъичӀого бачунеб букӀараб жанисеб сиясаталъ, пачалихъалда инкъилаб ккеялде бачана, СагӀуд лъутана Европаялде, хӀукму бачӀана гьесул вац Пайсалихъе.
  15. 15
    Ва гьесдаса хадув хӀукмуялде вачӀана гьесул вац Халид.
  16. 16
    Гьелда рекъон СагӀидиязул ГӀарабия ккола тӀубараб ханлъилъун, жиб цебе бачунеб тӀоцевесев хан ГӀабдулгӀазизил лъималаз ва лъималазул лъималаз.
  17. 17
    Къануналъул кьучӀое босун буго исламиял хӀукмаби.
  18. 18
    Пачалихъалъул бетӀерлъун вуго хан.
  19. 19
    Гьаб сагӀаталда пачалихъалъул хӀукмуялда вуго ханлъиялъе кьучӀ лъурасул вас Салман ибну ГӀабдулгӀазиз СагӀуд.
  20. 20
    Пачалихъалъул кӀвар бугел буюрухъал хъвала гӀалимзабазулгун данде бан хадуб.
  21. 21
    Ханасе мутӀигӀлъула киналниги хӀукмуялда ругел.
  22. 22
    Буюрухъ тӀобазабиялъулаб хӀакимлъи гӀуцӀун буго министерзабазул Шураялдасан, бетӀерав министерасдасан, гьесул тӀоцевесев наибасдасан ва къого министерасдасан.
  23. 23
    Киналниги министерзабазул хъулухъал рикьун руго ханасул хъизаналъул гӀадамазда гьоркьоб.
  24. 24
    Мажлису Шураялъул киналниги 150 гӀахьалчи, тӀамула ханас ункъго сонил болжалги цӀан.
  25. 25
    Диваналъул хӀакимлъи ккола диниял диваназул система, ТӀадегӀанаб диваналъул шураялъ рихьизарураздасан ханас рищарал къадияца хӀукму гьабулеб.
  26. 26
    Бищун кӀудияб шагьар, ханлъиялъул тахшагьар, гьелъул сиясияб, маданияб ва гӀелмияб центрлъун ккола - Ар-Рияд жинди жаниб 4 млн чи вугеб.
  27. 27
    Жидда - пачалихъалъул кӀиабилеб кӀудияб шагьар, гьелъул «экономикияб тахшагьар», БагӀараб ралъдада кӀвар бугеб порт.
  28. 28
    Пачалихъалъул миллиял гӀурхъалаби чӀванкъотӀун рихьизарун рукӀунгутӀиялъ, чӀванкъотӀун СагӀудиязул ГӀарабиялъул ракьалъул къадар чӀезабун гьечӀо.
  29. 29
    Расмиял баяназда рекъон гьеб бахунеб буго 2 217 949 км², цогидал баяназда рекъон - 1 960 582 км² - 2 240 000 км².
  30. 30
    Кин бугониги, СагӀудиязул ГӀарабия ккола ракьазул рахъалъ дунялалда 13-еб пачалихъ.
  31. 31
    Гьениб буго курорталъулаб мухъ Асир, жиндир гӀурччинлъиялъ ва тамахаб гьаваялъ туристал жинца тӀаде цӀалеб.
  32. 32
    Бакъбаккул рахъин абуни, тӀубанго бахчун буго салул авлахъаз.
  33. 33
    Къиблаяб рахъ ва къиблаябгун-бакъбаккул рахъ тӀубанго ккун буго РубгӀ ал-Хали салул авлахъалъ, гьенибго буго Йеменлъулгун ва ГӀуманалъулгун гӀурхъалабиги.
  34. 34
    СагӀудиязул ГӀарабиялъул цӀикӀкӀунисеб ракьал ккун руго салул авлахъаз, ва гьениб гӀумру тӀамен руго батӀи-батӀиял тухумазул гӀалхул гӀарабал.
  35. 35
    ГӀарабазул бащдабчӀинкӀиллъи ккола - Ракьалда гӀемер гьечӀел бакӀаздаса цояблъун, риидал багӀари чӀечӀого 50 °C эххедезун бахунеб.
  36. 36
    ГӀазу бала гӀицӀго Жизаналъул мугӀрузда, пачалихъалъул бакътӀерхьуда, ва кидалго гуреб гьебги балеб.
  37. 37
    ЧӀахӀиял харжал щола щибаб лъагӀалие хӀаж гьабун рачӀарал 2 млн хӀажичиясдасан.
  38. 38
    ЗагӀипал рахъал: профессионалияб лъай кьей гьечӀо.
  39. 39
    ГӀемерисеб бутӀа бетӀербахъи гьабулел жалазул къватӀисанхун импорт гьабун бачӀуна.
  40. 40
    ГӀолилазда гьоркьоб хӀалтӀуларезул къадар цӀакъго цӀикӀкӀараб буго.
  41. 41
    СагӀудиязул ГӀарабиялъул экономика бараб буго нартил касбоялда, ва гьеб бахуна пачалихъалъул гӀаммаб жанисеб продукталдаса 45 %.
  42. 42
    Аслиял росарухъаби - АЦЩ (18,5 %), Япония (16,5 %), Китай (10,2 %), Къиблаяб Корея (8,6 %), Сингапур (4,8 %).
  43. 43
    КъватӀиса боси (2008 сон) - 108 млрд доллар: промышленносталъул тӀагӀелал, квана-гьекъолел жал, химиялъулаб продукция, автомобилал, ххам.
  44. 44
    СагӀудиязул ГӀарабиялда чӀужугӀаданалъе гьукъун букӀана 2006 соналде щвезегӀан автомобил бачине.
  45. 45
    ЦӀакъ цӀикӀкӀараб нартил нахърателалгун СагӀудиязул ГӀарабия ккола - Нарт къватӀибе кьолел пачалихъазул гӀуцӀиялъул аслияб пачалихълъун.
  46. 46
    2009 соналъ гьелъ кӀиабилеб бакӀ ккун букӀана нарт бахъиялъе ва гьеб къватӀибе кьеялъе.
  47. 47
    СагӀудиязул къватӀибехун бугеб бича-хисиялдаса 95 % ккола нарт къватӀибе кьеялъ ва гьебги ккола пачалихъалъул хайиралъул 75 %.
  48. 48
    цебе II азарсоналъ жодоца ГӀарабистаналъуд киналниги ракьазда кверщел гьабурал.
  49. 49
    Рагъазул хӀасилалда, IX гӀасруялде щвелалде исламияб хилапаталъ жанибе бачун букӀана ГӀагараб Машрикъалъул, Ираналъул, Гьоркьохъеб Азиялъул, Гъоркьасеб Кавказалъул, Хьундасеб Априкъаялъул ва гьединго Къиблаяб Европаялъул ракьал.
  50. 50
    ГӀарабистан Гьоркьохъел гӀасрабазда XVI гӀасруялда турказ байбихьана ГӀарабистаналда кверщел гьабизе.
  51. 51
    1574 соналде ГӀусманиязул пачалихъалъ султӀан Салим II бетӀерлъиялда гъоркь тӀубанго бахъана ГӀарабистан.
  52. 52
    Гьеб заманаялда бищун къадру бугел хъизамаллъун ХӀижазалда рукӀана СагӀудиял ва Рашидиял.
  53. 53
    ТӀоцебесеб СагӀудиязул пачалихъ СагӀудиязул пачалихъ баккана 1744 соналъ ГӀарабистаналъул бакьулъаб икълималда.
  54. 54
    Цо дагьабго заманаялдасан гӀолохъанаб пачалихъалде хӀал гьабизе лъугьана ГӀусманиязул пачалихъалъ, жодорго къиблаяб рахъалда бугеб гӀорхъода гьел къуватлъизе бокьичӀого ва гьез Маккагун Мадина бахъиялда ццимги бахъун.
  55. 55
    1817 соналъ гӀусманиязул султӀанас ГӀарабистаналде МухӀаммад ГӀали Пашал бетӀерлъиялда гъоркь аскар битӀула, ва гьез щущухъ биххизабула Имам ГӀабдуллагьил аскар.
  56. 56
    Гьединаб куцалда, ТӀоцебесеб СагӀудиязул пачалихъ хутӀана 73 соналъ.
  57. 57
    КӀиабилеб СагӀудиязул пачалихъ Гьанже гӀун бачӀунеб букӀараб гӀарабазул пачалихъ турказ щущахъ биххизабиялде балагьичӀого, 7 сонидасан (1824 соналъ) Ар-Риядалда тахшагьаргун гӀуцӀула КӀиабилеб СагӀудиязул пачалихъ.
  58. 58
    СагӀудилазул хъизан лъутизе ккун лъутула гьеб мехалъ Кувейталде.
  59. 59
    Лъабабилеб СагӀудиязул пачалихъ
  60. 60
    1904 соналъ Рашиди тухумалъулаз ГӀусманиязул пачалихъалдаса кумек тӀалаб гьабула.
  61. 61
    Гьез жаваб гьабун жодорго аскар гьенибе битӀула, амма гьаб нухалъ къун нахъе ине ккола.
  62. 62
    1912 соналъ ГӀабдулгӀазизица тӀубанго Нажд икълим кверде босула.
  63. 63
    1920 соналъ, ингилисазул кумекалдалъун, ГӀабдулгӀазизица тӀубанго Рашидиязул тухум лъугӀизабула.
  64. 64
    1925 соналъ Макка кверде босула.
  65. 65
    1926 соналъул 10 январалъ ГӀабдулгӀазиз ибну СагӀуд ХӀижазалъул ханлъун лъазавула.
  66. 66
    1927 соналъ КӀудабиритӀаниялъ СагӀудиязул ханлъи жибго жиндаго чӀараблъун рикӀкӀуна.
  67. 67
    Цо чанго сонидасан ГӀабдулгӀазизица ГӀарабистаналъул хутӀарал ракьалги кверде росула.
  68. 68
    1932 соналъул 23 сентабиралъ Нажд ва ХӀижаз цогьаруна, СагӀудиязул ГӀарабия абураб цо пачалихъалда жанир.
  69. 69
    Живго ГӀабдулгӀазизги лъугьана СагӀудиязул ГӀарабиялъул ханлъун.
  70. 70
    1938 соналъул марталда СагӀудиязул ГӀарабиялда ратана нарт бахъизе бегьулел бакӀал.
  71. 71
    Пайсалицин абуни гӀемераб хӀалтӀи гьабуна пачалихъ цебетӀеялъе.
  72. 72
    1973 соналъ, Пайсалица Байтул Макъдис бусурбабазухъе буссинабизегӀан, сагӀудиялъул нарт къватӀибехун биччаларин абун гьев чӀедал, бакътӀерхьул пачалихъаз гьев чӀвазе тӀамана гьесул вацасул вас.
  73. 73
    Гьесдаги хадув Пагьд, 2005 соналъ - ГӀабдуллагь, ва 2015 соналъ - Салман.
  74. 74
    2011 соналъул марталъул авалалдасан байбибхьун СагӀудиязул ГӀарабиялда Жанисел ишазул министерлъиялъ митингал гьукъун руго.
  75. 75
    СагӀудиялъул тӀадчагӀаз рикӀкӀунеб буго, гьеб хӀалуцин къватӀисанхун, хасго Ираналдасан бачӀине бугоян.
  76. 76
    ТӀадегӀанаб диваналъул шураян абуни гӀуцӀун буго 12 чиясдасан, гьелги рихьизарула живго ханас.
  77. 77
    Макка ва Мадина, пачалихъалъул бищун чӀахӀиял шагьарал гурелги, гьел ккола СагӀудиязул ГӀарабиялъул ва тӀолабго исламияб дунялалъул къадро тӀадегӀанал шагьаралъун.
  78. 78
    Пачалихъалъул бакътӀерхьуда, БагӀараб ралъдал рагӀалда тӀарадасан аххаде щвезегӀан руго ал-ХӀижаз абураб кьурабазул рахас. къиблаябгун-бакътӀерхьуда кьурабазул борхалъи бахуна 3000 метраялде.
  79. 79
    Аслияб халкъин абуни гӀумру тӀамун руго чӀахӀиял шагьаразда ва гьел сверун, аслияб бакъбаккуда яги бакътӀерхьудахун, ралъдал рагӀалда.
  80. 80
    Ракьул тӀалъиялъул гӀуцӀи Гьава СагӀудиязул ГӀарабиялъ гьава цӀакъго бакъвараб буго.
  81. 81
    Январалъ гьоркьохъеб температура букӀуна шагьаразда 8 °C - 20 °C, салул авлахъазда 20 °C - 30 °C.
  82. 82
    Хурдузул дунял ХӀайваназул дунял Экономика
  83. 83
    Бюджеталъул харжалъул 75 % ва къватӀибе кьолеб экспорталъул 90 % ккола нартилпродуктаздаса.
  84. 84
    2005 соналъул декабралда СагӀудиязул ГӀарабия лъугьана ТӀолгодунялалъул бича-хисиялъул гӀуцӀиялде.
  85. 85
    КъватӀисеб бича-хиси КъватӀибехун бичи (2008 сон) - 310 млрд доллар: нарт ва нартилпродуктал.
  86. 86
    Гьелдаса: КъвакӀараб хъалгун - 47 530 км.
  87. 87
    КъвакӀараб хъал гьечӀого - 173 843 км.
  88. 88
    Жакъайин абуни 30 сон базегӀан автомобил бачине бегьула чӀужугӀаданалъ цадахъ рос, эмен яги вац вугони.
  89. 89
    Гьаваялъул транспорт СагӀудиязул ГӀарабиялъул гӀадамал раччулел авиакомпаниял: Al-Maha Airlines - жанисел гьавамухъал.
  90. 90
    Nas Air - жанисел бюджеталъулал гьавамухъал.
  91. 91
    Saudi Arabian Airlines -СагӀудиязул ГӀарабиялъул цебе тӀураб авиакомпания, жанисел ва къватӀисел гьавамухъал.
  92. 92
    SaudiGulf Airlines - жанисел гьавамухъал.
  93. 93
    Mid East Jet - чартералъулаб авиакомпания.
Export this text: CSV · Excel · CoNLL-U
Report an error